Komuniteti shqiptar në Itali, me rastin e 100 vjetorit të Traktatit të kobshëm të Londrës, do të mblidhet në një konferencë organizuar në Milano, ditën e shtunë më datë 20 korrik, ku do të marrin pjesë mbi 35 shoqata shqiptare aktive në territorin e Italisë.
Kjo konferencë është parashikuar të fillojë në orën 16 në rrugën Sant’Antonio (Salla Pio XII), në Piazza Duomo.
Në faqen facebook të konferencës përcillen fjalët me të cilat Ismail Qemali, babai i pavarësisë shqiptare, përshkruan gjendjen tij të trishtë shpirtërore, pas vendimeve të Traktatit mbi fatet e Ballkanit, vecanërisht të Shqipërisë.
Vendi, në fakt, do të paguante një cmim tepër të lartë: gjysma e Shqipërisë do t’i “dhurohej” Serbisë, Malit të Zi, dhe Greqisë, dhe për gjithë shekullin XX, shqiptarët do t’i paguajnë shtrenjtë pasojat e këtyre vendimeve.
Konferenca ka për qëllim të kujtojë dhe sensibilizojë mbi këtë faqe të historisë shqiptare, që ka ndikuar kaq shumë mbi popullin shqiptar ndër shekuj.
PROGRAMI
• Memorandumi i Qeverisë Shqiptare të Vlorës drejtuar Fuqive të Mëdha në 1913
Darling Ismail Vlora – Publicist dhe Pasardhësi i Themeluesit të Shtetit Shqiptar, Ismail bej Vlora
• Traktati i Londrës 1913, dhe pasojat e tij ligjore
Dr. Edoardo Fregoso – Universiteti i Parmës
Avokat, Jurist dhe Doktor në Kërkimet Historike të së Drejtës
• Pavarësia e Shqipërisë dhe Diplomacia e Fuqive të Mëdha 1912-1914
Prof. Romeo Gurakuqi – Universiteti Europian i Tiranës, Doktor i Shkencave Historike
Salla e kësaj Konference do të jetë e pasuruar me:
Ekspozita fotografike “Marubi”
Ekspozita fotografike “Pavarësia e Shqipërisë”
Ekspozita fotografike “Ibrahim Kodra”
Gjatë intervaleve:
grupi i valleve “Shqiponja Udine” dhe “Scanderbeg Parma”
recitime, videoprojeksione, këngë
Në Mbyllje:
Bouffet me produkte tipike shqiptare!
www.facebook.com/Albania100AnniDivisa
[table id=KONFMILANO /]
Media Partner – Albania News
Media Partner Radio Zeri Ilirides-Brescia
Diskutime mbi këtë artikull