“Dhuna ndaj një gruaje është dhunë kundër të gjitha grave, është një sulm kundër vlerave dhe lirive demokratike të çdo shoqërie” – Gresa Hasa, aktiviste dhe studente e Shkencave Politike në Tiranë.
Gresa është një nga zërat e shoqërisë civile shqiptare, një shembull motivues që ndan me ne betejën për të drejta të barabarta. Pikërisht përmes intervistës së saj nis projekti i GUS Albania, “Show Yourself”.
“Trego Veten!” është një projekt që synon të amplifikojë zërin e këtyre vajzave dhe grave. Me angazhimin për çështjet gjinore, ato përpiqen të marrin rolin e një megafoni në Shqipëri, duke kërkuar njohje dhe ndryshim.
Dëshmitë e tyre janë burim frymëzimi për vajza dhe gra të tjera, rrezatojnë vendosmëri, guxim, motivim dhe pavarësi.
Secila nga protagonistet sjell rrugëtimin e saj, ku sakrifica e studimit dhe e punës së vazhdueshme tregon se si për ndryshim është thelbësor procesi “bottom-up”, pra nga qytetarët drejt institucioneve vendimmarrëse.
GUS Albania vazhdon kështu aktivitetet e lidhura me promovimin e barazisë gjinore, që nisën marsin e kaluar me workshopin “Ashtu siç më doni”, mbi pasqyrimin deformues të grave në media. Si organizatë do të vazhdojmë të “tregojmë veten” duke mbështetur betejat për fuqizimin e të rinjve, grave e vajzave, si dhe për të dhënë kontributin tonë për një shoqëri më gjithëpërfshirëse dhe të drejtë.
- Chiara Silvestri
- Boiken Sinaj
- Marco Adamo
Për më shumë informacione ndiqni GUS Albania në Facebook
Diskutime mbi këtë artikull