Kur një gazetar i një televizioni të Mynihut e pyeti Kasëm Trebeshinën – një nga të paktët disidentë të shekullit të XX ne Shqipëri – si kishte qënë jeta mbyllur në qeli ai u përgjigj: “Unë brenda në burg isha i lirë”.
“Brenda, por i lirë”. Kjo shprehje ka qënë mantra ime nga 11 marsi dei më sot. Frymëzimi im. Ka qënë gjithashtu edhe shprehja e vëllait tim – autorit të fotove. Vetëm se atij i është dashur të dalë herë pas here nga shtëpia, në oraret e lejuara, për të shkrepur shumë nga fotot e këtij projekti artistik.
Përmbledhja e poezive me titull “Quarantena” fillon në fundverën e vitit 2019, vazhdon me shprehje të perditshmërisë – përfshirë këtu edhe ditët e tërmetit të nëntorit 2019. Pastaj hyn në karantinë. Rri aty. E më pas del, me forcën e mendimit dhe të vullnetit, me besim, me dinjitet.
Me vendosmërine, kurajon dhe vetmohimin e mjekëve, infermierëve dhe personelit ndihmës shëndetësor. Ky libër i pabotuar poezish është për ta. Të krijojmë një fond mbështetës për kë po lufton në vijën e parë dhe preket nga COVID-19.
Ju faleminderit!
Këtu link i “QUARANTENA”: quarantena.albanianews.it
Këtu link i mbledhjes së fondeve: gogetfunding.com
Për të mos humbur artikujt publikuar nga Albania News na ndiqni në Google News
Diskutime mbi këtë artikull