“Fenomeni i gjakmarrjes është për fat të keq ende një realitet i prekshëm dhe i rëndësishëm në disa zona të Shqipërisë. Jo vetëm që Bashkimi Evropian, por edhe vetë institucionet shqiptare e kanë njohur ekzistencën e fenomenit” është ajo që deklaron Operazione Colomba, Korpusi i jodhunës dhe pro paqes i Komunitetit Papa Xhovani i XXIII në lidhje me intervistën e Këshilltarit të Ministrit të Brendshëm shqiptar në shfaqjen televizive italiane Le Iene.
“Fenomeni shkel të drejtat themelore të njeriut, duke përfshirë, para së gjithash, të drejtën për jetë dhe si pasojë e saj është edhe problemi i ngujimit. Për të çrrënjosur këtë problem – vazhdon deklaratën – është e nevojshme të garantohet siguria e dënimit, pasi mungesa e tij mund të kontribuojë në përdorimin e gjakmarrjes si një formë vetëgjyqësie”.
Operazione Colomba, Korpusi i jodhunës dhe pro paqes i Komunitetit Papa Xhovani i XXIII, është i pranishëm në Shqipëri nga viti 2010 për të luftuar kundër fenomenit të gjakmarrjes dhe hakmarrjes.
Operazione Colomba punon nëpërmjet pranisë së përhershme të vullnetarëve që vizitojnë çdo ditë njerëzit e përfshirë në këtë plagë sociale, duke i mbështetur ato dhe duke zbatuar rrugët e ndërmjetësimit dhe të pajtimit midis palëve të përfshira në hakmarrje dhe gjakmarrje.
Duke iu referuar emisionit “Le Iene”, transmetuar në rrjetet Mediaset më 10 shkurt 2019, Operazione Colomba raporton më poshtë disa fjalë të Këshilltarit të Ministrit të Brendshëm të Shqipërisë Hilë Lushaku: “Aktualisht nuk ekziston ky fenomen […] gjakmarrja është produkt i disa shoqatave për të siguruar fonde […] Është një fenomen që tani ka kaluar, i cili është duke u zmadhuar jashtë vendit, për të krijuar probleme për Shqipërinë […] Ekspertët tanë janë duke konsideruar për të shqyrtuar nene në lidhje me gjakmarrjen dhe për ta hequr atë nga Kodi Penal Shqiptar“.
Në këtë drejtim, Operazione Colomba thotë se: – fenomeni i hakmarrjes dhe gjakmarrjes është për fat të keq një realitet i prekshëm dhe i rëndësishëm në disa zona të Shqipërisë (shih pdf, paragrafi 3);
– vitet e fundit, institucionet shqiptare e kanë njohur ekzistencën e fenomenit, duke vlerësuar punën tonë: për shembull, në korrik të vitit 2014, u takua me ish-Presidentin e Republikës, Bujar Nishani, për të folur për zbatimin e Ligjit 9389/2005; në mars 2018, gjatë prezantimit të raportit tonë trevjeçar mbi fenomenin, morën pjesë Avokati i Popullit Erinda Ballanca, përfaqësuese e Komisionit për Politikën e Jashtme të Parlamentit Mimi Kodheli dhe Presidenti i Parlamentit Gramoz Ruçi. Shih gjithashtu: Rezoluta e Parlamentit Shqiptar 2015 për parandalimin e fenomenit të gjakmarrjes; Ligji 9389/2005 për krijimin e Këshillit Koordinues kundër gjakmarrjes; Raporti i vitit 2015 i Avokatit të Popullit mbi fenomenin e gjakmarrjes; Prezantimi i Raportit 2013 nga Avokati i Popullit mbi fenomenin e gjakmarrjes;
– edhe institucionet ndërkombëtare e kanë njohur zyrtarisht ekzistencën e fenomenit, pasojat e veta negative dhe nevojën për të luftuar atë, madje edhe si kusht për anëtarësim në BE: shih 2018 Raportin e BE-së për zgjerimin; Raporti i Zgjerimit të BE-së për vitin 2015; Raporti i Zgjerimit të BE-së 2014; Rezoluta e Parlamentit Evropian për vitin 2013;
– siguria e dënimit duhet të garantohet. Siç ka pohuar kohët e fundit Bashkimi Evropian (Link 1, Link 2), problemi i korrupsionit është i madh dhe nganjëherë gjendet edhe në sistemin gjyqësor. Për fat të keq, mungesa e sigurisë së dënimit mund të kontribuojë në përdorimin e gjakmarrjes dhe të hakmarrjes si një formë vetëgjyqësie;
– mentaliteti që çoi në këtë fenomen është i rrënjosur në disa zona të Shqipërisë dhe pohon se gjakmarrja konsiderohet më e ndershme sesa respektimi i jetës. Edhe konfliktet ndërpersonale më banale mund të transformohen në gjakmarrja, sepse, nëse merret hak, kjo gjë mund të shkaktojë cikle të pafund gjakmarrjeje. Fenomeni shkel të drejtat themelore të njeriut, duke përfshirë, para së gjithash, të drejtën e jetës dhe duke krijuar problemin e ngujimit.
Për të çrrënjosur fenomenin e hakmarrjes dhe të gjakmarrjes nevojiten mbështetje dhe burime!
Operazione Colomba vazhdon me përkushtim dhe seriozitet angazhimin e saj përkrah popullit shqiptar për kapërcimin e kësaj plage sociale. Ndër nismat e ndryshme të promovuara, aktualisht, Operazione Colomba i Komunitetit Papa Xhovani i XXIII është duke zhvilluar një fushatë sensibilizimi me titull “Kundër Gjakmarrjes“, rreth të cilës i ftojmë që të bashkohen të gjithë.
Fushata “Kundër Gjakmarrjes” për të sensibilizuar shoqërinё civile mbi çrrënjosjen e fenomenit të gjakmarrjes. Qendra rinore “Arka” në Shkodër, lexim teatral
Për më shumë informacion dhe kontakte
Operazione Colomba – Korpusi i jodhunës dhe pro paqes i Komunitetit Papa Xhovani i XXIII
