Babë

Sot në Itali është dita e babait. Në Shqipëri nuk egziston një ditë e tillë, por gjithsesi, dëshirojmë t’i urojmë shëndet baballarëve që na kanë rritur me aq mundim me këtë poezi nga poetja shqiptare Denata Ndreca.

Babë

Nuk gjej fjalë
për me t’diftu,
at’ që thellë në zemer
unë fort ruj.
Nuk gjej germa
për me përshkru
ato rrudha n’ftyrën tande,
e vetmja udhë për mu.

Durt e zverdhuna
prej duhanit
shtërngojnë kohën
mos me e lan me u fik,
zemra zbehun pothujse
t’ndali, sa herë që zogjt
prej folejet tande
i pe tuj ikë.

E kurrë nji herë
s’ta pashë nji pikë lotit,
at’ që t’rrjedh në mërzi, vetmi.
Gjithmonë buzën n’gaz
e tuj shikju drejt Zotit,
me pak çfarë patme
na msove me u ngi.

Dikur për doret
më merrshe me ecë,
mbas hapash e tuj,
si nji bubrrec.
Sot ndër shtigjet e mija
të kam kudo,
për mu je, i jemi hero.

Për të mos humbur artikujt publikuar nga Albania News na ndiqni në Google News