Komunikatë për shtyp: Komiteti Shtetëror për Diasporën mbajti sot mbledhjen e radhës ku ministri i Shtetit për Diasporën, z.Pandeli Majko prezantoi programin e plotë të Samitit të Dytë të Diasporës, i cili do të zhvillohet më 28 shkurt – 2 mars.
Tema e takimit u përqendrua tek panelet e diskutimit të Samitit të cilat do të trajtojnë çështje thelbësore të Diasporës.
Programi i Samitit parashikon realizmin e katër paneleve të diskutimit të cilat do të zhvillohen paralelisht. Në panelin e parë do të trajtohet tema “Vota si e drejtë”, ndërsa fokusi i panelit të dytë do të jetë te ekonomia, ku do të trajtohet tema “Zhvillimi ekonomik i qëndrueshëm – Vendlindja dhe Diaspora”.
Paneli i tretë do të ketë në fokus të diskutimit “Identitetin shqiptar”. Në panelin e katërt me temë “ Ftesë nga shtëpia juaj”, do të analizohen aspekte të ndryshme të turizmit dhe agroturizmit.
Gjithashtu në mbledhje u prezantuan dhe aktivitetet kulturore dhe artistike që do të realizohen gjatë Samitit në Tiranë dhe në Lezhë.
Axhendën e plotë të Samitit të Dytë të Diasporës mund ta lexoni duke klikuar mbi link.
Hapet procesi i regjistrimit “on-line” për Samitin e Dytë të Diasporës
Për të gjithë të interesuarit që dëshirojnë të bëhen pjesë e Samitit të Dytë të Diasporës, sot realizohet procesi i regjistrimit “on-line”.
Regjistrimi kryhet në faqen elektronike të Samitit. Për marrjen e ftesës “on-line” duhen plotësuar të dhëna të përgjithshme të individit, si vendi i lindjes, rezidenca dhe kontaktet. Në formularin e regjistrimit keni mundësinë të shprehni interes për të ndjekur diskutimin në një nga panelet e Samitit.
Për regjistrimin “on-line” në Samitin e Dytë të Diasporës klikoni në link
Diskutime mbi këtë artikull