Me datë 12 nëntor 2013, ora: 19.00 Drejtori i Fototekës Kombëtare “Marubi”, Z. Luçjan Bedeni, është i ftuar të marrë pjesë në Padiglione d’Arte Contemporanea në Milano për të referuar mbi temën: “Marubi, një Italian në Shkodër”, aventura interesante e themeluesit të arkivit fotografik më të rëndësishëm të Ballkanit.
Krahas z. Bedeni pjesë e bisedës që do të mbahet në PAC do të jetë e ftuar dhe albanologia znj. Lucia Nadin. Kjo bisedë do të zhvillohet si pjesë e programit Storie e transizioni nelle nuove geografie kuruar nga Gabi Scardi.
Padiglione d’Arte Contemporanea (PAC) është një muze i artit bashkëkohor në Milano, Itali. Ai është i vendosur në anë të Palestro, afër Giardini Pubblici Indro Montanelli.
Në vitin 1947 Bashkia e Milanos, e shtyrë nga nevoja për të gjetur një hapësirë të re ekspozimi për artin bashkëkohor, përqendroi vëmendjen e saj tek Villa Belgioiosa, e shkatërruar nga bombardimet në vitin 1943. Bashkia ishte e vendosur të përdorte vilën si një vend për Galerinë e Artit Modern, dhe për ta ndërtuar si një hapësirë të re kushtuar ekskluzivisht artin bashkëkohor.
Projektimin e saj e realizoi Ignazio Gardella arkitekti i përzgjedhur paraprakisht në mars 1948, më pas pavioni hapet në 1954. Në vitin 1979, PAC u rihap pas një periudhe të gjatë mbyllje rinovimi.
Në vitin 1993 një bombë shkatërroi ndërtesën në një kohë kur Italia ishte e angazhuar fuqimisht në luftën e saj kundër mafias. Gardella në bazë të dizajnit origjinal e rindërtoi sërish hapësirën e ekspozimit, ndonëse me përmirësime të rëndësishme teknike. Në vitin 1996 PAC rifilloi aktivitetin e saj normal.
Për të mos humbur artikujt publikuar nga Albania News na ndiqni në Google News
Diskutime mbi këtë artikull