Intervistë me humoristin francez me origjinë shqiptare, Gilles Bellatre

Publiku shqiptar e njohu humoristin Gilles Bellatre kryesisht nëpërmjet videove të tij zbavitëse, të cilat mishërojnë personazhin shqiptar me gjestet, gjuhën, zakonet, me shfaqjen e disa elementeve të kulturës shqiptare. E gjitha kjo, përgjatë Euro 2016-ës dhe ai i vlerësoi mjaft ato.
Të tilla video rezultuan tejet efikase, ndonëse kuptohet që një video interneti nuk është e njëjtë me një video televizive.
Zgjodhëm t’i drejtonim atij disa pyetje për ALBANIA NEWS.

– Mirëdita Gilles dhe faleminderit që më mundësuat këtë intervistë.

Faleminderit juve, Adela.

– Si për fillim, a mund të prezantoheni me pak fjalë? Kush fshihet pas emrit Gilles Bellatre?
Prezantohem: unë jam Gilles Bellatre, një djalë i ri 29 vjeçar, student në vitin e 9-të e të parafundit në Fakultetin e Mjekësisë në Nice.
Por, Gilles Bellatre është në fakt personazhi im. Një personazh humoristik, krejtësisht autoironik. Në të vërtetë, unë quhem Andi e këtu ndryshon çështja.

– Cila është vendlindja juaj? A ktheheni shpesh atje?
Unë kam lindur në Shqipëri, me saktësisht në qytetin e Fierit. Kam kaluar një pjesë të vogël të fëmijërisë sime aty.
Ka pak kohë që nuk kam shkuar më.

– Si arritët në këtë aventurë të bukur, në shfaqjen e videove komike në internet?Ju vetë i shkruani tekstet e videove dhe u zgjidhni tematikat?
Po, bëj gjithçka vetë: shkrimin, realizimin, montazhin. Kam mësuar vetë për këtë dhe kjo është veçse kënaqësi për mua.

Ju keni shfaqur video të shumta humoristike por, ne shqiptarët e njohëm personazhin tuaj, kryesisht nëpërmjet videove mbi Kombëtaren Shqiptare të Futbollit dhe tifozët e saj përgjatë Euro 2016-ës.
Shqiptarë të shumtë kanë pyetur veten se nga vini ju: nëse jeni një francez që njeh gjuhën shqipe, zakonet e traditat shqiptare, apo, nëse jeni një shqiptar që jeton në Francë. Për këtë nuk kishte qartësi në fakt, ngaqë ju keni mishëruar më së miri personazhin tuaj shqiptar, të cilit i flisni edhe gjuhën.

– Ç’mesazh shpresoni të përcillni mbi shqiptarët nëpërmjet videove tuaja?
Unë përgatis shumë video, ky është pasioni im i mirëfilltë.
Prej këtu, në Euro 2016-ën, Shqipëria, në një grup me Francën.
Me lindi dëshira të përgatisja një video mbi këtë vend të këndshëm, të cilin, pak të huaj e njohin, fatkeqësisht.
Bëhet fjalë kryesisht për humor, por doja të tregoja gjithashtu që ai shqiptar, është një popull tërheqës, që meriton të njihet.
Por gjithsesi, është gjithçka për zbavitje mbi të gjitha!

– A jeni i kënaqur për rezultatin e arritur me videot?
Kam mbetur shumë i befasur për mahnitjen që ka shkaktuar kjo video. Kam marrë shumë mesazhe mbështetjeje dhe kjo më ka sjellë mjaft kënaqësi. Shumë shqiptarë kanë gjetur veten në brendësinë e videos.

– Çfarë mendoni mbi cilësinë e paraqitjes së Kombëtares Shqiptare në Euro 2016?
Më pëlqeu shumë ekipi i futbollit shqiptar. Unë me ta u njoha përgjatë këtij Evropiani, ashtu sikurse edhe shumë të tjerëve u ndodhi kjo gjë dhe qe një befasi mjaft e bukur! Ata lanë një përshtypje shumë të mirë këtu, sepse luajtën si një ekip, që të njëmbëdhjetët të bashkuar, me shumë zemër e guxim.
Dhe, besomëni, shumë njerëz këtu donin t’i shihnin që të kualifikoheshin, pikërisht për këtë arsye. Ata luajtën një Evropian të parë për ta, shumë të mirë.

– Si e përfytyroni të ardhmen tuaj, si mjek apo si aktor?
E ardhmja ime do të jetë si mjek. Megjithatë, nëse nga ana tjetër, do të bëhesha pak e nga pak aktor, kjo do të ishte një diçka e shtuar.

– A keni menduar të shkoni në Shqipëri me pushime këtë verë?
– Po, do të përpiqem të shkoj këtë verë.

– Faleminderit për realizimin e kësaj interviste ekskluzive për ALBANIA NEWS në Itali.
Vazhdim të këndshëm!
Faleminderit juve për intervistën.
Ditën e mirë Adela!

– Ditën e mirë, Andi!

Artikulli origjinal në frengjisht është publikuar më datë 28 qershor 2016 në ALBANIA NEWS me titull “Croyez- moi, beaucoup de gens voulaient voir les Albanais se qualifier!”.