Mungojnë pak orë nga proçesi zgjedhor dhe atmosfera në Shqipëri është në lëvizje të vazhdueshme. Beteja elektorale shpesh herë e ka tejkaluar cakun e një sfide për njësitë administrative, dhe është shndëruar në një test elektoral politik për të dyja partitë kryesore, por edhe për partitë e tjera të koalicioneve përkatëse.
Risia e kësaj fushate, edhe pse në të vërtetë ka filluar më parë, është angazhimi i emigrantëve shqiptarë me banim në Itali, në dialektikën politike shqiptare. Shpeshherë, si e përshkruan shkrimi i Pishak Zhgabes , emigrantët janë një kategori që nuk përfshihen në këto kompeticione sepse materialisht nuk arrin të khehen për të votuar, dhe Shqipëria nuk ka një ligj për votën e shqiptarëve jashtë shtetit.
Atëhere provuam, nëpërmjet dy intervistave, të kuptojmë se çfarë i shtyn shqiptarët e Italisë, dhe në veçanti të rinjtë, të angazhohen me partitë shqiptare. Rezarta Selami intervistoi për ne Ermal Asllani-n të angazhuar me selitë e PS-së në Itali, ndërsa Aurora Allushaj intervistoi Ardit Kola-n, të angazhuar më PD-në shqiptare në Itali.
