Pas tërmetit që goditi Japoninë sot, u përpoqëm nëpërmjet ambasdës shqiptare në Tokio për të kuptuar më shumë, dhe mbi të gjitha për të ditur nëse ka pasur të lënduar shqiptarë në këtë tragjedi kaq të madhe. Atëhere i drejtuam disa pyetje ambasadës sonë në Tokio.
Si është situata aktualisht?Situata është e njejtë me ate çka paraqesin mediat vizive. Por në Tokio nuk ka pasur dëmtim të medha falë masave parandaluese sizmike dhe atyre te situatave te jashtëzakonshme. Por ështënderprere komunikimi me celular ndërsa ka qenë i mundur shërbimi i internetit. Janë ndërprerë lëvizjet e trenave dhe komunikimi përmes autostradave. Cdo 10-30 min ka pasur goditje, por dëmet kanë ardhur jo nga termeti se sa nga vala e tsunamit që erdhi më pas.
Sa shqiptarë jetojnë rregullisht në Japoni, dhe sa të tillë përafërisht gjenden atje në këto momente?Numri i përafërt i shqiptarëve që jetojne në Japoni është i vogel dhe ndryshon shpesh. Por si mesatare është një numër prej 50 personash të shpërndarë në të gjithë teritorin. Qytetet ku janë të përqëndruar kryesisht janë Tokio, Osaka, Fukuoka dhe Sendai, ky i funditeshte qyteti qe ndodhet me prane epiqendres.
Ambasada ka marë të dhëna deri tani për të dëmtuar me nënshtetësi shqiptare?Ambasada është munduar të marrë të dhëna sa më të sakta për gjendjen në përgjithësi dhe per shtetasit shqiptar në vecanti. Sipas kontakteve tona të drejtëperdrejta dhe Qendres për Menaxhimin e Katastrofave Natyrore ne MPJ e Japonisë deri tani nuk kemi të dhëna për shtetas shqiptarë të dëmtuar. Nga ana tjetër dëshirojme të bëjmë me dije familjarët e shqetësuar që të kontaktojnë me Ambasadën Shqiptare në Tokio përmes faqes së internetit ambasadat.gov.al/japan dhe nga personeli ynë do të bëhen përpjekjet maksimale për vendosjen e kontakteve apo informimin me të dhëna.
Godina e ambasadës ka pasur dëmtime? Sa shqiptarë punojnë në ambasadë?Godina e Ambasadës nuk ka pësuar dëmtime. Por situata ishte shumë dramatike dhe personeli u detyrua të evakuohej. Pas disa orësh është bërë e mundur hyrja në mjediset e ambasadës përmes shkallëve të sigurisë pasi ashensorëtnuk funksionojnë për sa kohë që lëkundjet vazhdojnë. Personeli i Ambasadës përbëhet nga Ambasadori Z. Bujar Dida, Sekretari i Parë Z. Lulind Bushati dhe Sekretari Teknik Z. Andi Bushati. Ndonëse personeli është i pakët për situata të permasave të tilla, janë marrë masat për përballimin e situatës dhe mbajtjen e komunikimit për shtetasit qe do të kenë nevojë për ndihmë.
Për të mos humbur artikujt publikuar nga Albania News na ndiqni në Google News
