Ministri i Arsimit shqiptar: Shqipja jashtë kufijve, si gjuhë e dytë

Është dashur një konferencë për gjuhën shqipe dhe letërsinë që Ministria e Arsimit dhe Shkencës të thotë fjalën e saj në lidhje me mungesën e librave shqip në vendet ku jetojnë dhe punojnë shqiptarët.

I ftuar në konferencën e zhvilluar dje në ambientet e fakultetit të Historisë dhe të Filologjisë, Ministri i Arsimit, Myqerem Tafaj, u shpreh se duhet të punohet më shumë që fëmijët e emigrantëve shqiptarë në vendet ku jetojnë të mësojnë edhe gjuhën shqipe, si gjuhë të dytë, por pa dhënë detaje se si ministria që ai drejton do ta realizojë një detyrë të tillë. “Në momentit kur vendet ku jetojnë emigrantet do të lejojnë futjen e gjuhës shqipe si lëndë me zgjedhje në kurikul, atëherë qasja jonë do të jetë një qasje tjetër”, – u shpreh Tafaj, duke shtuar se një praktikë e tillë tashmë aplikohet për emigrantët italianë në Gjermani dhe në shumë vende të tjera, por për Shqipërinë ende nuk ka asnjë hap konkret, nga asnjëra palë. Pak javë më parë, Këshilli Pedagogjik i Mësuesve shqiptarë në Greqi dha alarmin për mungesën e teksteve shqip në vendin fqinj, çka do të pengonte fillimin e shkollës për nxënësit shqiptarë. Zgjidhja mësuesve iu ka ardhur nga disa dhurime vullnetare nga shoqëria civile.Artikullin e plote mund ta lexoni tek Gazeta Shekulli Online

Argumenta

Mund t'ju interesojë gjithashtu

Close