Një projekt i financuar nga BE-ja me €2.200.000 ka sjellë ekspertizë nga Shtetet Anëtare të BE-së për të ndihmuar Shqipërinë për të plotësuar legjislacionin e saj tatimor dhe për të përmirësuar praktikat e saj të punës në përputhje me ato në Shtetet Anëtare të BE-së.
Projekti gjithashtu ka për qëllim të përmirësojë përdorimin e teknologjisë së informacionit, për efikasitet dhe transparencë më të lartë të administratës tatimore, në të mire të bizneseve të ligjshme dhe të publikut të gjerë.
BE prej kohësh ndihmon Shqipërinë në përmirësimin e sistemit të saj fiskal. Ky projekt bazohet mbi arritje të mëparshmen dhe vjen në një formë më të drejtpërdrejtë me objektiva dhe aktivitete që janë planifikuar posaçërisht për nevojat specifike të Shqipërisë. Ky projekt binjakëzimi midis autoriteteve shqiptare, e Agjencia Suedeze të Tatimeve dhe Drejtorisë së Përgjithshme të Financave Publike Franceze sjell në Shqipëri ekspertë nga shtetet anëtare të BE-së për të kompletuar legjislacionin fiskal të Shqipërisë në këtë fushë në përputhje me atë të BE-së; për të miratuar Procedura Auditimi të Brendshëm, një linjë me standardet e BE-së; për mbështetjen e Deaprtamentit të Hetimeve Tatimore; për krijimin e një Departmenti Informacioni dhe Teknologjie mirëfunksionues dhe për përmirësimin e lidhjes me të gjitha degët rajonale nëpërmjet një rrjeti të sigurt dhe të besueshëm.
Gjatë ceremonisë së prezantimit, Shefi i Delegacionit të BE-së në Shqipëri, Ambasadori Ettore Sequi theksoi se procedurat tatimore transparente dhe efikase janë një themel i rëndësishëm i Tregut të Brendshëm të BE, një treg i madh ku rregullat e lojës janë të njohura, të respektuara dhe të lehtësuara për bizneset.
Ambasadori Sequi theksoi se “ndihma e BE për përmirësimin e sistemit fiskal në Shqipëri drejt standarteve të BE-së është e rëndësishme në kuadër të integrimit të Shqipërisë në familjen e BE. Procedura më transparente dhe efikase janë në dobi të bizneseve dhe qytetarëve që paguajnë rregullisht tatimet e tyre në pritje të marrjes së shërbimeve publike. Në të njëjtën kohë, sisteme të tilla moderne do të ndihmojnë në luftën kundër korrupsionit dhe përpjekjet për konkurrencë të drejtë. ”
Ky projekt prej €2.200.000 filloi më 1 mars 2010 dhe do të vazhdojë deri në shkurt 2012 dhe është duke u zbatuar nga Agjencia Tatimore Suedeze dhe Drejtoria e Përgjithshme e Financave Publike Franceze.
Diskutime mbi këtë artikull