Më shumë se gjysma e shqiptarëve, sipas të dhënave të Censusit, janë emigrantë. 1.4 mln shqiptarë punojnë dhe jetojnë në vendet fqinje Itali dhe Greqi.
Ia kanë dalë të mbajnë familjet, si dhe të dërgojnë të ardhura për të afërmit, të ngrenë biznese si dhe të shkëlqejnë në skenat botërore të artit dhe kulturës duke lartësuar kombësinë e tyre shqiptare.
Vetëm në Itali, 31 mijë shqiptarë kanë hapur biznes, kundrejt 4300 bizneseve italiane që ushtrojnë aktivitetin e tyre aktualisht në Shqipëri.
200 mijë shqiptarë kanë një pasaportë italiane, dhe kanë të drejta të barabarta me shtetasit italian, por janë tërisht të lidhur me vendin e tyre.
“Connect Albania” do të jetë një platformë që do të ngrihet si pjesë e programit “Angazhimi i Diasporës Shqiptare në Zhvillimin Social dhe Ekonomik të Shqipërisë”, së bashku me ngritjen e një fondi specifik për bizneset e reja për migrantët e brezit të dytë që dëshirojnë të hapin bizneset e tyre në Shqipëri.
Connect Albania, merr në konsideratë platformat dhe fondet e njohura ndërkombëtare dhe të njohura ndërkombëtarisht, ndër të cilat Connect Irlanda si një ndër më të suksesshmet. Ideja “Connect” bazohet në rolin qendror të agjentëve të zhvillimit, në rastin tonë të diasporës shqiptare në Itali, duke vënë në kontakt, duke shoqëruar dhe ndjekur një investim të huaj të drejtpërdrejtë nga Italia në Shqipëri.
Agjentët e zhvillimit me shume gjasa jane sipërmarrësit shqiptarë në Itali dhe / ose punonjësit shqiptarë në zgjerimin e ndërmarrjeve italiane. Mekanizmi Connect i shpërblen agjentët e zhvillimit me një bonus në rastet kur investimi ka ndodhur në mënyrë efektive dhe ka gjeneruar punësim në tokën mëmë.
Shqipëria dhe Irlanda kanë shumë ngjashmëri kur bëhet fjalë për ndikimin e migracionit. Për një shtet prej vetëm katër milionë e gjysmë milionë banorësh besohet se ka deri në 80 milionë njerëz në mbarë botën qe pretentojne prejardhjen irlandeze.
Kushtetuta e Irlandës: Shtetasit brenda dhe jashtë vendit janë nje komunitet
Pse Angazhimi me Diasporën është kaq i rëndësishëm për Irlandën? Arsyeja e parë dhe kryesore për t’u angazhuar me diasporën e tyre është e thjeshtë – për shkak se Kushtetuta e tyre e kërkon këtë gjë.
Kushtetuta në fakt deklaron se irlandezët në vend dhe irlandezët jashtë vendit janë një komunitet. Nga kjo lindin përgjegjësitë dhe mundësitë e komunitetit.
Irlanda sot përfiton shumë nga diaspora e saj që është rritur në më shumë se 200 vjet. Energjia dhe arritjet e anëtarëve të diasporës së saj kanë ndërtuar shtrirjen dhe reputacionin e Irlandës në botë. Ata e kanë arritur këtë duke mobilizuar njerëz të rinj dhe duke ndërtuar ura lidhese me Irlandën.
Në vitet e fundit programi Connect Ireland ka qene shumë i suksesshem në nxitjen e ekonomisë dhe Shqipëria shpreson të përsërise këtë qasje të suksesshme.
Kushtetuta e Shqipërisë për shqiptarët kudo që ndodhen
Neni 8
- Republika e Shqipërisë mbron të drejtat kombëtare të popullit shqiptar që jeton jashtë kufijve të saj.
- Republika e Shqipërisë mbron të drejtat e shtetasve shqiptarë me banim të përkohshëm ose të përhershëm jashtë kufijve të vet.
- Republika e Shqipërisë u siguron ndihmë shtetasve shqiptarë që jetojnë e punojnë jashtë shtetit për të ruajtur e për të zhvilluar lidhjet me trashëgiminë kulturore kombëtare.
Programi “Angazhimi i Diasporës Shqiptare në Zhvillimin Social dhe Ekonomik të Shqipërisë”, i cili ka nisur zbatimin ne mars te ketij viti, lidhet ngushtë me atë çfarë parashikon Kushtetura e Shqipërisë.
Në fakt, meqë Programi zbatuar nga IOM Albania synon të kontribuojë në rritjen e angazhimit të Diasporës Shqiptare në zhvillimin socio-ekonomik të vendit, Irlanda konsiderohet një shembull i përkryer për përfshirjen e diasporës në zhvillimin e ekonomisë Irlandeze përmes një risije inovative si mekanizmi “Connect Ireland”.
Per ta njohur me nga afer kete mekanizem IOM Albania ka organizuar një vizitë në Irlandë me perfaqesues te Institucioneve shqiptare për t’u takuar me palët përgjegjëse, për të mësuar nga përvoja e tyre dhe për të identifikuar mënyrën më të mirë për arritjen e objektivave të Programit.
Diaspora shqiptare mund të luajë një rol shumë të madh në atdhe. Vende si Irlanda janë zhvilluar me atë që diaspora ka dhënë, jo vetëm remitanca, por mbi të gjitha me atë që diaspora di të bëjë.
Lexo më shumë për Programin
Ky artikull është i disponueshëm dhe në italisht
https://www.facebook.com/IOMAlbania/posts/2211193095786117
