Shuhet në moshën 80-vjeçare sopranoja Nina Mula

E mbytur nga sëmundja e rëndë që vuante prej kohësh, mbylli së fundmi sytë, sopranoja e mirënjohur Nina Mula. Lajmi, i komunikuar mbrëmë nga familjarët e saj, zuri papritur admiruesit e Operan shqiptare që shihte në znj.

Mula një nga prezantueset më të denja të artit.E vlerësuar me “Çmimin e Parë në Festivalin e Romancës”, e titulluar “Mjeshtre e Punës”, urdhërin “Naim Frashëri të klasit të dytë” e “Aritiste e Merituar” humbja e sopranos Nina Mula përfaqson një nga humbjet më të ndjera në Teatrin e Operas e Baletit, që vetem pak ditë më parë i kishte dedikuar një ceremoni festive për 80 vjetorin e lindjes së saj.

Nderimet e funeralit të sopranos së mirënjohur do të zhvillohen të premten, nesër, në orën 11 në ambjentet e Teatrit Kombëtar të Operës e Baletit.

Nina Mula, lindur në Rusi më 23 nëntor të 1931. Gjatë frekuentimit të konservatorit të Moskës u njoh me kompozitorin shqiptar Avni Mula, që gjendesh aty për studime. U dashurua me të dhe e ndoqi në Shqipëri, ku zëri i saj rrëmbeu admirimin e të dashurve të operas, duke e shndërruar nga një vajzë e thjeshtë e huaj në një ikonë të artit në Shqipëri si soliste pranë teatrit të Operas e Baletit në Tiranë.