Sipas të dhënave të fundit për sa i përket renditjes në bazë të cilësisë së universiteteve, ai i Vlorës ka bërë hapa përpara në mënyrë domethënëse. Sipas “Webometrics Ranking of World Universities”, raport i istitucionit shkencor më të rëndësishëm në Spanjë (Consejo Superior de Investigaciones Científicas (CSIC), Universiteti i Vlorës klasifikohet në vendin e 5016-të në nivel botëror, brenda 12 mijë universiteteve që janë marë në analizë për klasifikim.
Kjo renditje e bën këtë universitet më të mirin në Shqipëri, Kosovë dhe Mal të Zi. Universiteti i Tiranës për shembull gjendet në vendin e 9048-të.
Vendet fqinjë janë të pozicionuar disi më mirë, dhe gjejmë Universitetin e Beogradit në vendin e 1230-të dhe atë të Athinës në vendin e 340-të.
Për të kuptuar rëndësinë e klasifikimit mjafton të themi se i pari universitet italian që ndeshim në listë është ai i Bolonjës në vendin e 86-të, i ndejkur nga Pisa me vendin e 157-të. Nënvizojmë se ka më shumë se 50 struktura universitare italiane që gjenden nën nivelin e universitetit të Vlorës.
Duke llogaritur moshën shumë të re të këtij universiteti dhe madhësinë e tij, i duhet dhënë meritë e veçantë rektorit Shaska dhe stafit të tij, për frymën perëndimore që ka sjellë në këtë universitet.
Per non perdere gli articoli di Albania News seguiteci su Google News
Diskutime mbi këtë artikull